النهارده جيبالكم اكله تحفه من اختراعي انا والله معرفش اذا كانت حد عملها قبلي ولا لا
حتي انا مش عارفه ممكن نسميها ايه
المقادير :
ثمرة بذنجان كبيره
ثمرة طماطم متوسطه
ثمرة فلفل رومي صغيره
ثمره خيار متوسطه
ثمرة جزر صغيره
ملعقتين خل - ( وملح - وفلفل - وكمون ) حسب الرغبه
مايونيز دايت حسب الرغبه ( أنا عملتها من غير مايونيز )
طريقة التحضير :
نحضر ثمرة البذنجان ونغرز فيها الشوكه عددة مرات من كل اتجاه جيدا
ونقوم بشوي ثمرة البذنجان جيدا جدا علي الشوايه او في اي فرن عادي ويتم تقليبها في كل اتجاه مثل طريقه عمل البابا غنوج تماما
نتركها تبرد
ثم نقوم بتقشير الثمره من القشر الخارجي المحروق فقط جيدا
يعني القشره اللي هتطلع تكون القشره بس وميكونش لازق فيها حاجه من داخل البذنجان
ونهرسها بالشوكه واذا لما تستطيع بالشوكه ضعي محتويات البذنجان في الخلاط
ثم نفرغها في اناء ونطع عليها ملعقه مايونيز صغيره وملعقه الخل والملح والفلفل والكمون
ثم نقوم بتقطيع الخضار الطماطم والفلفل الرومي الي قطع صغيره جدا
ونبشر الجزر والخيار في المبشره العاديه ونضعهم علي الطماطم والفلفل الرومي ونقوم بوضع الملح والكمون وملعقه الخل ثم وضع هذا علي الخلطه السابقه
وقلبيهم جيدا وكلي بالهنا والشفاء
وجبه سهله جدا وصحيه جدا جدا وحفيفه جدا جدا
وممكن تقدميها للضيوف كسلطه لذيذه منخفضه السعرات الحراريه
الجمعة أغسطس 13, 2010 3:14 pm
